|
قصائد قيلة فى مدح قبيلة العوازم
هذي قصيده للشاعر المرحوم انشاء الله
فيصل بن نوطان المري واللي كان من سكان الكويت وتربطه ببعض العوازم علااقة صداقه او جيره اما شاابه .. كان تبغي طيب ذمه وحسن مجامله فانصى صبيان العوازم مزبنة الدخيل الرجال اللي بكل الرجوله كامله معتنين بالشكاله على المعنى الاصيل من تهقواهم يحصل رجال" صامله سعد صاحبهم وضد الخصيم اللي يعيل القصير يوقرونه ويرفاا خامله وعن سموم القيض يرتاح بالفي الطويل راية بيضاء لكل العوازم شامله بالخوي والضيف واللي نزل معهم نزيل قلت كلمة حق ماهو كلاام مجامله والفعول الطيبه للرجال اكبر دليل ... هذي قصيده للشاعر مانع بن شلحاط العجمي قالها في حفل زواج فالح بن سعود بن فهيدان البريكي العازمي بالسفانيه ياذو الجلال أحفظ لساني اليـا تـاه ياواهبـي فكـرن يصـوغ المثايـل مانيب مـن قافـه ملـوغ امهاهـاه مهوب عند أمحلـل القـاف هايـل أغازل أذن أمحلـل القـاف وأدراه لعل يرفقني مـع أسمـاءن قلايـل سلام يخضع من شموخـه أمحيـاه فأرضا العـوازم بـد كـل القبايـل في حفل أبن فالح راع الوجه والجاه وجمعا النشاما من عمـوم الحمايـل في هجرة ابن دخين والذود بأحمـاه ان صرت في نظم التماثيـل مايـل ببدا وأسولف وأنطح القول وأقفـاه وأعيـد مكـرات السنيـن الاوايـل صفحات مجدن كـل مافـات تكنـاه قبل الختوم وقبـل تنقيـب الآايـل يحكي بهم الاطرم ولو مالـه شفـاه ويسمع بهم الاطرش وعينه تخايـل يو العوازم تصـل العلـم لاقصـاه فوق النجايـب والمهـار الاصايـل من حول ابن جامع وازحول أمربـاه على الحروب وقاطعـات السلايـل الكـل منهـم ملحـم راس شلفـاه وايطول سيفه لا...زما كـل عايـل وامات خمس الجرمينيـات وارمـاه بامات سـرج ومحرقـات الفتايـل تدب بها العايل على غيـر مشهـاه لينه ايمس القـاع عقـب الفتايـل صتايـم علـى الحرايـب امضـراه يركي على قلـب المعـادي غلايـل ارجال حرب وساعات السلم مرضاه منيـن ماحفـت العـوازم فعـايـل هل مرحبا والضيف تقربـه بقـراه من مرحبا يقلط على ظهـر حايـل واهل الحميا فـي نهـار المحامـاه وزبينهم يزمي علـى راس طايـل هرج عليه شهود من ذا ومـن ذاه قول عليـه مـن الحقايـق دلايـل عازم ايوصيهم على نهـج مبـداه ترثـه ربيعـه كاسبيـن النفـايـل مجدن لعامر جددوا صـرح مبنـاه واحيوا هوازن والصروح السمايـل من كف عازم سلك المجـد لابنـاه اقويع اخو غياض وابقـوا سلايـل عيـال هـدلان المسمـى باسمـاه منهم شيوخ القوم واسمـا العوايـل منهم حبيب اللي ينومـس بطريـاه وفـلاه ل. بانـت نجـوم القوايـل وابناء شقيف اتطيب من طيب مجناه يتلون ابن محقـان يـوم الهوايـل وابناء بريك اللي تخاف اسمه اعداه ل.زعزع انفيشان يـوم الصمايـل ذولا عيـال اقويـع يـوم المثـاراه ستر العـذارى ناقضـات الجدايـل وغياض غاض اعداه واوصا بقاياه وصا الصوابـر محتميـن الرحايـل اتطول بابن دريع وان ركب تتـلاه اهل الوفا الوافين واهـل الجمايـل والملعبـي يفـرق نهـار الممـاراه ل.فزع ابن مانع حميـد الخصايـل وعيال فاضـل كـل جمـع توطـاه ل.زعزع حبينـان راحـت سحايـل وابناء جـواري للجـواري امغـذاه يتلون ابن هضيبان يـوم الشلايـل عربان ضب الموايقي كنهـم ايـاه اهل السيـوف اللاحمـات النحايـل وعربان ابن حمـاد يـوم الملاقـاه مال اخصامهم ساعة الحرب زايـل ومظلوم جدد عهد غيـاض واحيـاه في ترثه قنينان يـا اللـي اتسايـل والشيخ ابن جندل اوسـاع نحيـاه بالخنفري فالحرب صايـل وجايـل من الكويـت الـى جماجـم الحنـاه ومن ثاج ابن بدهان ل.0دون حايل ومن حد حجـلا للجحيضـه ومنـاه الـى النقيـره جعلهـا للمخـايـل دار الزحول اهل الفعـول المخـلاه عوازم تحـرى بكسـب الفضايـل قاف الصقلاوي يوم غـرد وغنـاه ثبت فعول أهـل الفعـول الجزايـل مثل الشمالي وابـن غشـام بـادلاه والا الكريبانـي لـغـار امتكـايـل ورجعان وادهيليس وعيد وسوايـاه وعد النشاما يتعـب اهـروج قايـل وعذرا لابن شلحاط لو زل او تـاه يابنـاء عطـا يامتعبيـن المثايـل الشاعر : مانع بن شلحــــاط العجمــــي وهذه قصيده قالها شاعر من بنى خالد علم الرجال يبين عنـد اللـوازم والرجل رهن لما جنـت يمنـاه احدٍ على الطولات ربـه يعينـه على دروب الخير والطيب يهداه واحدٍ تردى يوم(ن) ابليس غره على المخازي والعفـان غـواه واستثني الوافين من علم الردى اشبارهـم يـا طولهـا طـولاه اعني حرار مستميـن العـوازم افعولهم لأهـل الوفـاء مشكـاه سراج يشع بنور في ظلمة الدجى منهـم مناعيـر بيـاض اجبـاه منهم ابو محمد فلاح بن جامـع سليل مجد مـن عطـا مجنـاه المكرم الضيفان المجزل العطـا تجهـل عطايـا ايمنـه يسـراه لو كان مـن بالعـوازم ينتخـي لو انتخى بـس بفـلاح اكفـاه كل المراجل لأبن جامع تجمعـت العز والنخـوه حاشهـا بـرداه ومنهم ابو جابر طول الله عمره ماله ابد بيـن البرايـا اشبـاه حرٍ قطامي مـن سلالـة عـازم حاله ومالـه مصخـيٍ والجـاه بحر العلوم لكـل علـمٍ حـاوي بشوش سمح ويمدحه من جـاه واذكر ابن هران صافـي النيـه فـي كـل علـمٍ تزهمـه تلقـاه لمن هرج يبـدأ بضحكـة سنّـه بحر غزير ولا لحقـت اقصـاه ولا نسيت القرم علي بن طرجم حي الكريم الشهم وحـي نبـاه له خوةٍ ما شفتهـا فـي غيـره متواضـعٍ مـا غرتـه دنـيـاه مدحي لهم حقٍ ولا لـي حاجـه الله مغنينـي بـمـال وجــاه لا شك شاعـر وعنـدي مبـدأ من طاب بي بالطيب لزم اجـزاه قصيده استمعت لها عن طريق البلوتوث لــ شاعر المليون : عبدالكريم الجباري الشمري كل ما احس وسط القلـب هـمٍ وضيـق أتطـرف واحضـر دفتـري وقلـمـي جايب شاي لبتـون حاكـره فـي ابريـق زايـد بكيلتـه تقـل شـاي إعجـمـي لي بالشعـر نظـره فـوق قمـة إطويـق يـوم بعـض الأوادم بالنظـر منعـمـي بين طـرقٍ جديـد وبيـن معنـىً عميـق وبين حبك القصيد وبين طـول إنسمـي فيه قولٍ يليق وفيـه قـول ماهـو يليـق واعرف ابعاد قـول ظاهـرٍ مـن فمـي يوم أجـي جيـت للعالـم بوجـهٍ طليـق جيت من دار سلمى مسلمٍ و(( أسلمـي )) ماتكبـرت يـوم الله فتحلـي طـريـق ولاقهـرت الصغيـر ولاحقـرت آدمـي واحمـد الله يـوم انـه عطانـي صديـق مثل (( بدر بن سالـم )) سيفـي ومحزمـي من سلايل (( عطا )) يوم القنا لـه زريـق سيلوا وادي مـن كثـر صـب الدمـي يا (( العوازم )) محازم من يضـام ويضيـق مــن ورد عـدهـم راويٍ ماضـمـي حشمـةٍ للقصيـر وفـزعـةٍ للرفـيـق والدخيل ان زبـن فـي بيوتهـم يسلمـي جعل ينشي سحابٍ غـادي لـه صفيـق تحسبٍ صـوت رعـده للمدافـع رمـي سيـل القـاع مـع وديانهـا والمضيـق مـن حـدود النجيـره سيـل للسالمـي يـا بـروقٍ تناهـا مثـل لمـع البريـق وجهي(( للعـوازم )) سلمـي وإسلمـي وكان تبغـى صديـقٍ مامثيلـه صديـق من خيار (( العوازم )) خاولك (( عازمي )) هذه قصيده فخر واعتزاز بقبيلة العوازم وتاريخها المشرف للشاعر:محـمـد سلـمـان الحجـيـلان العـازمـي والقصيـده تعبـر عـن نفسـهـا اليـكـم القصـيـده القصيده تقول .. يادار وش علمك افجوجك خليات = ابنشدك يادار وابغى الاجابه العصر يومني بديت الطويلات = كن الوطن مافيه حي مشابه ويوم اتلفت وتسمع للاصوات = ماوحيت غير الريح يسفي ترابه ولاشفت لي زول بكل اتجاهات = كود البطين اللي تطارد سرابه يادار وين اللي بنوبك حضارات = اللي كسوك من المهابه مهابه خطو على سطحك فعول وبطولات = يوم الزمن يضرس بضرسه ونابه وتوارثو فيك الشيم والمروات = وتقاسموا فيك الكرم والحبابه وبيت ارفافه شرعت كل الاوقات = ريف الضعيف وزبن منهو لجابه بيت تشوفه من بعيد المسافات = منصى الغريب وهقوت اللي هقابه حموه مشبعت السباع المجيعات = في حد مصقول ن جويدا انصابه وكم صارلك بين القبايل مهابات = وكم من شرف عز لبستي اثيابه وكم صدرو دونك اجموع مغيرات = وكم شيخ قوم عجلوا في ذهابه ماحصلوا من غزوهم غير حسرات = قوم تعرف افعولها كل لابه من دونها خطلان الايمان زافات = مثل الجبل يذري وتلجي اهضابه بمضمنات ولمت للمهمات = وسيف ورمح مايداوا صوابه وخيل تراقص مسرجات محذات = مركب اعيال ترتكي للحرابه قحص المهار اللي بالابطال عجلات = تنكف ابحماي الضعن وتغزابه احمات شعل عند اهلها عزيزات = من دونها الاعمار تجلب اجلابه يازينها ترعى الفياض العذيات = لا رشها وبل المطر من سحابه ربعي لهم في هامت المجد بصمات= يفتح لهم صرح التواريخ بابه "عوازم "قد اللوازم الياجات = والطيب لاهل الطيب مابه غرابه خطو فعايلهم بكل السجلات = والمجد سجل مجدهم في كتابه هيهات يمحى طول الايام هيهات = ماينمحي مجد ينومس جنابه حقايق ما عاد تبغى لها اثبات = وشمس الحقيقه ماعليها رقابه ويلي تنشدعن افعول قديمات = تعال ابا اعلمك مامن اطلابه انبيك بلي صار من فايت فات = تنشد وماتنشد نجيك بجوابه لو تنطق اجبال الحجاز المسمات = تعدلك وجه الصحيح وصوابه تقول لك من خشم مبهل لابانات = والهضب الاحمر لازمتلك اهضابه مدهالهم ذيك العصور المخيفات = يوم الحجاز يفور ماكان مابه كم صار فيها من احروب ومناخات = وكم ثار عج وكم صبيا غدابه جاه الشريف ونوخو للحرابات = وعود كسير وزرفلتبه اركابه وذكرت بيت له ضمن عدت ابيات = قاله وراع الحق يحسب احسابه عامين احاربها بحيل وحيلات = وليا غزيت ابجمع ضاع الرجابه ومن عقب ماصارت ادهور ومجاعات = سارو وراي الجمع مع من مشابه وتحدرو والرزق ماعنه صدات = والحمد للي لانوا الرزق جابه وستوطنت في نجد منهم جماعات = ومنهم من اشمل يم حايل وطابه وعلى جماجم حولو والقريات = وعمان والبلقا ورجم الذيابه والجمع الاكبر مر الاجدين ومرات = سقم الحريب اللي يدور عذابه وبنولهم بالسيف ملك وسيادات = مافيه حي ملكهم مادرابه حموه في ا يام السنين الشديدات = وياما حصد من عمر شيب وشبابه يشهد رضى ونقير ذيك السنيات = وعد الطريفه والنقيره ابمابه وياما وياما من حروب وصدامات = لو جيت احسب مايعدد حسابه يوم الجزيره في حروب ومتاهات = اقسام واحزاب وتسلط اعصابه صرنا على البيداء ملوك وسادات = عاداتنا نرمي العشا للذيابه واليوم في نعمه وخير ومسرات = ماعاد به غزوا وسلب ونهابه بحكم السعود اللي لهم كل طولات = اعيال عود يحسن الله ثوابه عبدالعزيز اللي محا ذيك الاوقات = وعصر التفرق والجهل صك بابه وعقب سيوف للعداله صقيلات = سيوف حق وكلوبوها تشابه الله يبقيهم سنين طويلات = امجددت عصر النبي والصحابه ويادار كل اللي سمعتيه بذات = علم بدابه خاطري ونتهابه يسوقني سوق الجمال المحيمات = هاجوس بال كل نابي بدابه ياللين عبر مايكنه با الابيات = والبسك من جزل القصايد اثيابه قصيدة الشريف محسن بن علي يمدح العوازم حبيت انقلها لكم مايرعى نجد لا زاف عشبه = الا سلف مكتفيه اعطاف ماهوب عازمي يداجي رحايله = ممشاه وخر التاليات اصفاف الا ولاظالم للجواد رابح = ذباحة للشيخ في الميقاف لو ذل منهم غلم هاش غلمه = يهوشون دام السلاح ايشاف عوازمن من روسهم منبع الظفر = رجالهن عن فعل خمسة الاف عامين احاربهم ابحيلي وحيلتي = حدرتهم من نجد لي الاسياف ......... لـ عبدالله الحضبي السبيعي سريعين النبا واهـل الكرامـه وهل النخوات والجود : العوازم قبيلـه مجدهـا جالـه علامـه هل الناموس في وقت اللـوازم هل المعروف ورجال الشهامـه ولا حمي الوغا فالرجل حـازم ملا قلبـه صعاطيـر وقرامـه وفي وقت المواقف شخص جازم هل الخيل الأصايـل والجهامـه ليا سمعت نداهم جـت تـرازم رجالٍ مايجـي فيهـم رخامـه عدو العازمـي قاصـر وقـازم لهم في ساحة العلياء صرامـه يشـدون العمايـم والمـحـازم قبيلـه فخرهـا عـز وزعامـه رقوا مجد البطوله .. لاد عـازم لـلـشـاعر : خالد الفرج ((رفـعـت إلي الملـك عبـد العزيـز أل سـعود - رحمه الله إثر قدومه إلى الجبيل يوم 21رمضان سنة 1348هـ)) وإن أنس للتاريخ لا أنـس موقفـا // لأل عطا في صدقهـم إذ تصللبوا بــداة وأخــلاق الحضـارة هذبــت // حواشـيهم في فعلها فتهذبوا فظلوا على اخلاصهم وولائهم // وليس لهم الا ولاؤك مذهب وما (العازمي) عند العدى غير لقمة // تساغ والا شربة الماء تشرب هناك على (الوفراء) باتت جموعهم // وشادوا بيوت الحرب فيها وطنبوا وقد ارسلوا نحو "الدويش" بداره // فأغروه أن الجهل بـالعقل يلعب وساقوا الوف المارقين أمامهم // وليس لهم غير العوازم مـأرب فأرضاهم القوم الميامين في (رضى) // بضربة من للحق يرضى ويغضب فولوا ولم يلووا فلا الإبن منقذ // أباه ولا يلوي على إبنه الأب لقد هاله فقد إبنه وهو ساعده // ومن معه من خيرة القوم منكب فأدركه اليأس المميــت فمالــه // سوى الضربة القصوى وهل ثم مضرب فقــرر إتيـــان العـــوازم حاســباً // بـأن اسمه عند العوازم مرعــب وما كاد يلقى في (النقاير) جمعهــم // إذا هو من أيـدي العوازم يعطــب ويكفيـــه ان الله اخــزى عتــوه // فذ لله إذ لم يكــن قط يحســب تنــازل يغطــي الصلح عن كبريائـه // وأي "دويــش"للعــوازم يرهـــب ولكنـــه أمــر من الله نــافذ // يعــز فيعطــي أو يــذل فيســلــــــب _________________________ 1- انظر هذه القصيده في ديوان خالد الفرج ص69-70 تحقيق خالد سعود الزيد. 2- يقول خالد الفرج في ديوانه ( ال عطا قبيلة العوازم التي كانت مخلصة فقاومت الثوار وهزمتهم في رضى ) قصيدة الشاعر سعود عويد الخريصي الشمري بالعوازم والله ماأنفتـن مـن فاتـنـات الـكـون=لكن معك يا أبـو مرضـي أنـا مفتـون ياصاحبـي ياخليلـي يالعشيـر الصعـب=ترخص لك الروح واعزف رخصها بلحون ياللي قـدرت اتسّـرب داخـل أعماقـي=وشلون مادري ولكن عاشقتـك اعيـون ياللي من الطيب حتى الطيب يفخـر بـك=وياللي من الجود جادت من صخاك اعفون للفزعه سيف ٍ مجـرب ماعليـك اغبـار=رمّدت أخشاب أهـل الصيـت والمكنـون ياللي بك أفخر من اطيب ربعـي وناسـي=وياللي تشيخ بمكارمـك بطعـم وبلـون وأبوك مرضي وهو مرضي جميع النـاس=اللي من الله لـه القبلـه ويبقـى عـون الدرع أبـو فيصـل ونعـم الرجـل والله=يزهى الشعر فيـه والشعـار والغـاوون ويشـرف الدولـه بسمعتـه وأفعـالـه=سمح المحيا ابو فيصل كبيـر الصحـون ماعمر سكـر بوجـه الضيـف ديوانـه=لااقبل عليه التحايا اتهـل تقـل امـزون يالعازمـي ياضنـى مـن يتـقـون الله=بني عطا لا افزعوا معك افزعوا بجنـون رمّاية الروووس تاررريخ العـرب يشهـد=مكانهـم بالسحـاب بعـزّ مـاهـم دون أدري كلامـي بـهـم مانـقـص ولا زاد=لكن ترى الحق اذا ماانقال يبقـى ديـون ومشاعري يم أبو مرضـي تجـي بيضـا=هو خابر اللي بصدري منت انـا ويمـون وانا بمراجـل أحبـه وأعشقـه وأغليـه=لأنه ملـك بالمراجـل والمـلا يـدروون جـاه الشعـر مثـل ماجانـي وخاوانـي=وجيته غلا وأورق وصار الغـلا معلـون قصيدها قالها عالم الانساب المصرى بنجـد تغنـي ساجعـات الحمائـمـي وتقدقوا فيها القيس سـود القمائمـي ديـارن لقـوم قيـس عيـلان جدهـم نماهـم لأبائـن عظـام المكـارمـي هنـد جدهـم ثـم عـامـر كلاهـمـا لشبابتـي فرعـن قـوي الشكائـمـي اما جد اقوامـن مـن العـرب اصلهـم أرومـتـن منسوبـتـن للعـوازمـي لهم في رصيص الحرب عزمن وصولتن تبيـدو مـن الاعـداء كـل مقاومـي أحبو حيـاة السلـم حتـى اذا اعتـدى عليهـم جــردو خـيـل صـارمـي وناسـن ذوحـذق وشعـرن وعندهـم وفائـا واخلاصـا لجـارن وحاكمـي فأن كنت ذاعـزن وصونـن ونخوتـن فأنـت وحـق الله لاشــك عـازمـي شاعر الهوازن الكبير : عبد الرحمن العطاوي العتيبي تفجرة من قلبه ذكريات الماضي عما حصل لقبيلة هوازن العدنانية من شتات وترحال داخل وخارج الجزيرة العربية وتفكك بطونها التي كانت متماسكه في الماضي البعيد وهي القبيلة التي ينحدر منها اصله وساسه العريق وما كان منه إلا أن يعبر عما في صدره بادءا في توضيح ديارها وبطونها في وقتنا الحاضر رابطا الفروع بالاصل وذلك في قصيدته الموسومة التي سماها (ملحمة هوازن الجغرافية) مـن يـذاري للـريـــح الـذريــــات والرياح مبشرات وملحقـــات ساقن المزن الثقيل من المحيطات واسبلن ثجاجهن المعصـرات إلى تهامن يودقـهـن هـــود لـــيــل حن مثلي للقوافي في الغـدات واقبلن الطايـعـات مـن الـبـحـــور يوم لبن الندأ صغت الوصات يامــنـازل جـوابـي مـنــي ســؤال وين هم من حصنوك من الغزات مـن بـقــا فـي نـجد منهم من رحل من تحضر في تهامه والسرات مـن نـزح مـنهم شـمـال ومن عبر يم تونس في سلا في ورزازت عـن (هوازن) خـبريني يـا ديــار وين راحوا يالجبال الراسـيات قالت انت من انت ياسـأل أجـيـب قلت شاعرهم ها اجيبي ياحلات قالت اللي غــربــوا بــنـي (هلال) واشملو منكم (عقيل) إلى ايلات وشف (غزيه) في العراق (وساعده) ألف عام وهم على شط الفرات و(العــوازم) كـل مـن جـده عــطـا في الكويت منزحيــن للــعــدات وعن بني (خالد) تبي تسأل وأجيب من عنك (خالد) إلى حمص وحمات واستمع ردي عن الغلبـــا (سـبـيـع) هم هل العارض حمدين الصفات وهم هل الوديان في الخرمه شيوخ في المحيط اللي فـروعـه ثـابتات و(باهله) وفي نجد مقرين الضيوف نازلينه في الحدود المــشــرفــات ومن تهامه من ورا وادي طـفـيــل إلى شعيب الشمس وكميث ومرات ورح شمال الى بريده والعيـــــون ضاحي الاسـيــاح (العتيبه) لبــات وشرق للزلفي ديار ألاد (روق) ليــث وســــكاكـــا وبــقــعـا ثابتات ولو (هوازن) تجتمع يوم جميــع مــثــل يــوم حــنـــــيــن إلاواردات شيخها مافيه تــشـكيـــك وريــب هو وريث دريد راعي المـــعـجزات شيخها نسل المحصن من قــديـم شيخ كل الحــاضــره هـم والــبــدات شملهم لبن (ربيعان) الجــمـيــع ماتغير لـيـــن تــرضــى مــزعـلات قلت يادار العرب توي رضـيـت والله القـــادر عـلـى لــم الــشــتــات وفي شمال أفريقيا رحت استبين وانشد الحــــاضر عن اللي ماضيات وكل شيخ وكل شاعر له عنيـت قلت ابي تحقيق عـما قـــبـــل فـــــات ومن سألته وين هم بـنــي (هلال) قال نحن ومن ســـوانـــا جــالــيـات رحت موريتان والصحرا ومشيت ورحت فالمغرب شمال إلى صطات ورحت للاطلس إلى تطوان شرق والجزاير كلها مقلب حــــصـــات وفي مدن تونس وصحرها مشيت والهلالي صرت اعرفه بتــهـلات وصرت احب فريقيا حب الفخر حيث فيها من (هوازن) وارثـات ثم نصيت الشام وادلجت المسير جعل تسقى هاك الارض المرزسات وفي فلسطين العرب منا نجوع من (عقيل) ومن (عتيبه) قــطــنــات جيت في عمان واندبت الرسول يم غزه واحضرو منــهــم ثــقـــات ثم عقدنا عشر مرات اجـتـمـاع كل يوم إلنـا بــنــــاس مــقـــابـــلات اسفرت عما بحثـنا بالـيــقـيـــن وفي حمـــاة وحمص زود محاورات (اسبعه) في الشــام مـن (سبيع) (والموالــي) و(الحـــديـــدي) هلالات ورحت للباشات أدور الـعـلـوم وعند عبدالله بحمص الشـــــاك مات ونعم ياعبدالله اعني بن دهيش باشة يفنــي الغنـــــم والمـــردمــات بيت خالد في الشمال مع القضاه القضات ونعم ياشيوخ القضـــــــاتِ الشاعرالخالدي الشاعل يمدح ألاد عاازم لابن عازم نويت اكتب جديد القصايـد=لجل سلطان مـن ربـع ٍ تشدالظهـر العوازم هل المعروف واهل العوايـد=كاسبيـن الجمايـل كاسبيـن الفخـر العوازم هل الطـولات عنـد الشدايـد=ال عطوان كنـه سيـل يـوم انهمـر يوم هي بالسيوف حروب خيل وطرايد=ال عطوان تدحر من تطـاول دحـر من هوازن على ماقول عندي سنايـد=نايلين الشرف والعـز بيـن البشـر قلتها لك يا سلطان ٍ ولا ابغـى فوايـد=قلتها لوجه ربـي لا عنـاد اوبطـر على النقيره فعلكم مانسيناه: للشاعر عضيب الحربي بديت باسم اللي على الناس حسناه @ الخالق الرازق راع الفضايل الواحد اللي تسجد التاس لرضاه @ منجي سفينة نوح عقب الهوايل وسجلت مكتوبي على ما توراه @ واخذت بالمعناء جزيل المثايل قم يانديبي ووصل العلم منهاه @ ترى التمكن دفعنا للرسايل وصل جوابن كلمة الشكر مبداه @ ومدة لبو حايف وفي الخصايل له مجلسن تلقى المشاكيل تنصاه @ يمشي على سلم الرجال الاوايل وقولة هلا للضيف تسبق اقراة @ ويا جدع للضيف من راس حايل كل الفعول الطيبه من سجاياه @ بذال بالعليا جميع الوسايل شامان دايم تبذل الطيب يمناه @ من لابتن عاداتهم بالجمايل وكر الشرف والجود مبعد نحاياه @ ريف القصير اللي به الوقت مايل جار الوفا رجل الوفا لا عدمناه @ انت النحوله دون كل النحايل يومن جاره زلفت فيه دنياه @ عطف على الجهال هم والعوايل ولاهي غريبه من ارجالن مضراه @ ربعن يحوشون الفخر بالفعايل عوازمن تاريخم كد قريناه @ تاريخم معروف بين القبايل يوم السنين اللي بها اعجاب واكراه @ والناس تعرف بين ناقص وطايل ربعن يحدون المعادي على اقصاه @ يوم الفخر بظهور قب الاصايل عوق العنيد اللي طغا نفسه اطغاه @ من ضربهم يشوف نجم القوايل شجعان يشدون الجمال المثناه @ يوم الرصاص بلون وبل المخايل على النقيره فعلكم ما نسيناه @ ولا خير في قولن بليا دلايل كم فارسن خلوا نواعيه تنعاه @ عليه تصفق بالكفوف الحلايل وليا زبنهم مجرمن ضاعت ارياه @ يمشي بامان بظلهم مايسايل ريف الظعيف اللي زمانه تحداه @ وعزه ليا ضاقت عليه المحايل تم الكـــلام اللي تفقدت معــــناه @ باللي حصل ماهي تصانيف قايل وصلاة ربي عد وبلن نثر ماه @ وعداد ماشاف النظر زول زايل على نبين وضـــح الحق مبداه @ وله منزلن يمه نــــشد الرحايل هذه قصيدة شاعر قبيلة حرب : عضيب عبدالله الحربي ابو حايف هو شامان بن دغمان الفهيدي من اسرة الفهيدات من عشيرة الصوابر وقد قام برعاية اهل جاره هليل عبدالله الحربي عندما اجبر على الغياب عن اهله مده تزيد على اربع سنوات حتى عاد من غيابه الشاعر فلاح اديهم الصخري في قصيده طويله ذكر فعل الرجال الذين شاركوا معهم في حروبهم الشاعر فلاح اديهم الصخري يخص قبيلة العوازم والفارس دهيليس الحمود بهذه الأبيات وكان ودك الهرج اللازم.... لا تنس عيال العوازم.... بالضيق وكرب المحازم.... عزّ اللي ضلوعه قبقبن 155. نعمن بهاك العيالي.... عادتهم فك التوالي.... من فوق مهارن جلالي.... قبن للبيدا ينهبن 156. يا صفرا تذكر لحمودي.... على السلايل تزودي.... لأوردت مثل العنودي.... ولا هابت يومن يهابن 157. ماكر سباعن فريسي... لا لحقت تضرس ضريسي.... بأمثال القرم دهيليسي.... له ملاكيد يذهبن فزعة عازمي للشاعر:محمد معرفي اخواني هذه قصيده لشاعر المعروف محمد معرفي وقد اسماها باسم فزعة عازمي وتم نشرها في المنتديات نشكر الشاعر على ماتفضل به وليس غريب عليه قول تكفى....وابشر بعزّك....وغيـره قولها في اللّيـن ولاّ....فـي اللّـوازم أنت أخوي اللّي مصيري...من مصيره والله انّـي قدّهـا والقـول...جـازم أنت لك في وسط هالخفّاق.....ديـره أنت في عيني لواء...مانته...مـلازم لو تبيهـا لا تحسـب انها....كثيـره أنت عزّم....شوفنـي ويّاك...عـازم لا تحسـب انّـه عواقبها...خطيـره أنت ناوي خيـر وان ردّيت...هـازم جيت...والجيّـة ابحسبها...كبـيـره لك أشـد حـزام 00 لا بالله محـازم تحسب انّه فزعتـي فزعـة صغيـره فزعتي ياخوي لك.."فزعـة عـوازم" -------------------------------------------------------------------------------- هذي قصيدة عبد الله بن قنيص الهاجري المدح في روس الرجال المشاكيـل فرض على الشاعر اواجـب ولازم وانا هجوسي يا اهل العرف ذا الليل اتسوق شعري في مديح العـوازم بني عطا تفخربهم صهوة الخيـل لاقامت ارعـود المعـارك تـرازم اهل القنا واهل السيوف المصاقيـل واهل البنادق والفشـق والمحـازم امن الكرم وقت العسر تذبح الحيل والعازمي دايم على الطيب عـازم كبيرهم مضـرب مثـل للرياجيـل وصغيرهـم دايـم يسـد اللـوازم هذا وانا من لابـة تعـدل الميـل ربعي بنـي هاجرنهـار المـلازم قال الفـهيدي في حسينــــات الالحان @ ابيــــات للتـــاريخ تبــــقى وديـــعه حنا عـوازم من هـــوازن وعـــدنان @ اولاد عــــازم من ســـلالة ربيـــعه تاريـخــنا معروف من ماض الازمان @ وانسابنا وســــط القـــبائل رفـــيعه وعاداتنا مثل العــــرب دون نقصان @ نمشي بحـــكم الله وحـــــكم الشريعه وصــفاتنا بالحــرب بالعون شـجعان @ اللــــي يبي من حـــفنا ما نطـــــيعه لفــعولنا تشــــهد قبـــائل وعـــربان @ واللــــي غزانا شـــــاف منا القطيعه جانا الشريف وصاح بالجو عطوان @ وتعـــــــــاهدوا آبان ماينـــط ريـــعه ومن شاف فعل اجدودنا رد عجزان @ وخــسارته وســط العـــــوازم شنيعه وجانا الدويش وشـب بالــجو نيران @ وضاقت على العـدوان ارضن وسيعه حنا حمينا الهضب والعــــد مــران @ ويــــوم المعقل كــــل غــــالي نبيعــه نسقي المعادي سم في يوم الاكوان @ كم شــيخ قومن صــــاح عــقبه رضيعه يشهد رضى ونقير والانس والجان @ ان الشــــجاعه للعـــــــــوازم طبيعــه هذه القصيده للشاعر : معيض راشد الفهيدي الصابري سلطان عبد الله النملة الشمري عوازم محد يجاريها في العام 1839 كان يتولى ولاية الإحساء محمد أفندي باعتباره واليا لمنطقة الاحساء ، والاحساء موطن لكثير من القبائل العربية العجمان وبني هاجر والعوازم وأحيانا مطيروقبائل اخرى بعضها مستديم وبعضها متنقل ، وكان محمد أفندي شرساُ مع البدو متعسفا في اجراءاته وقراراته ويفرض على القبائل ضرائب باهضة لأتفه الأسباب فتضايقت منه القبائل ومنهم العوازم فعزموا العزم الأكيد على تخليص الناس من شره . فانتدبوا له ثلاثة رجال من العوازم الأشداء الشجعان الأقوياء وتربصوا به حتى ذهب إلى عين نجم يستحم ومعه حرسه الشخصي وجند رمته الذين يتبعونه كظله فاتفق عليه العوازم ففرقوا شرطته وجنوده وقتلوه شر قتله وخلصوا الناس من شره . هذه احدى عزائمهم الأكيدة على رفع الغبن وتبديد الجور وعزائم العوازم كثيرة متناثرة بين ثنايا التاريخ القديم والجديد . هذا جانب وللعوازم شيختهم المعروفة ابن جامع الذي أكدت سطوته وقوته حروبه مع شريف مكة فيما بين الاعوام 1550 إلى 1655 حيث توجت بالمعركة المشهورة وتحدثنا عنها أكثر من مرة هذا زمن الصراع والتحالفات والنفوذ أما في عهدنا الحالي عهد الاستقرار والأمن والامان فقد تحدث نواف الضرباح بقصيدة عصماء عن شيخ الظنايا وجاءنا هذا الرد المفعم بالمعاني السامية من الشاعر سلطان النملة الشمري ردا على قصيدة نواف وهذا سجال محمود السجايا نقدره ونحترمه ونباركه فيقول سلطان: سلام الله على قرم تميـز وامتـدح شجعـان سلام الله على شهمٍ صـروح المجـد بانيهـا مدح شيخن ولد شيخن ولد شيخن نسل جريان قصيدة فرحت شمر وكـل قـد حكـى فيهـا ونا بدوري يرد رد عليـه يزلـزل القيعـان لأني شمري وشاعـر شيوخـي دوم أفديهـا ونعم باللي مدح شيخي عزيز(ن) والنعم لاهان بن مبارك بعد حيي دروب الطيـب ماشيهـا مجيد من رجال صيتهم معـروف بالاوطـان عوازم والنعـم والله بحاضرهـا وماضيهـا ذكرت اسم العوازم بالقصيد نـورت قيفـان عـوازم كالنجـوم العاليـة محـد يباريـهـا تزعمهم ابن جامع وهوشهـم كبيـر الشـان سلوم المرجلة والطيـب ماخالـف مباديهـا ابن جامع جمعهم للعلا بالخيـل والاحصـان فعول الطيب هو دايم ترا هـو مـن يبديهـا بنى مجد كبيـر واضـح مشهـود بالاعيـان سلالـة طيـب لـو قلنـا وقلنـا مانوفيهـا على فعله وطيبه يشهدون الحضر والبـدوان قلوب الناس ماتشرى وهو بالطيـب شاريهـا ذهب والله يابن جامع تعدى صيتـك البلـدان ولك لابه عزيزة تغـرس الشيمـة وتسقيهـا عوازم هيبـة وقـوة ولابـه كلهـا فرسـان رجال من يعـرف أفعالهـا يفخـر بطاريهـا يابن ضرباح تسلم ياشذى الكافور والريحـان أقدم لك تحية مـن صميـم القلـب مهديهـا مدحت اشيوخنا واقبل مرد الشكر والعرفـان وراعي الاوله بالصف الاول ونـت راعيهـا وهذي قصيده رد علي قصيدة نواف الضرباح ___________________ سلطان عبد الله النملة الشمري العتيبي في مدح المحيلبي قال الشاعر فالح سعد العواد العتيبي قصيده في مدح وزير البلديه السيد عبدالله المحيلبي العازمي وقد تم نشرها في موضوع سابق حيث يقول بها : في حندس الظلماء ارسل ضؤه القمر **** فجال في ارجائنا البشر والسفر وامست هموم في الصدر جاثمه **** روئا صادقه يجلو قتامها البصر ابا فهد وطود الموج مضطرب **** جناح صدق فيك والاخر الظفر ابن الوزاره من عقود سلفت **** هاديا في مسالكها الوعر والحفر حصن ثغورا بالظلم ثملى ومترعه ****واجعل شعارها حنانيك لا وزر اخالك نبلا يتلوه اوار مجد ****وفراسه المسلم سهم قوسه النظر ابو سفيان يستعذب النظم قحا **** ويطيب في المحيلبي قولي للشعر ثناء الاقوام ظل ارثكم طرا **** وتشهد الملمات لكم سرا وجهر ابن الكرام قد زانت مقاصدهم **** في دعدع من الارض او هم قفر لا يرد العزائم الا من جده عازم **** ولا يضير الكميت يوما غبنه السعر لم تزل جموع الاحرار تحفظ ذكركم **** فهل يلاقي وفاء الصب عندكم قدر ولم تزل جموع الاحرار تحفظ ذكركم **** فهل يلاقي وفاء الصب عندكم قدر كملت بك الوزاره في تالقها **** ثقه الامير مبتدا مرفوعه الخبر رعاك الاله من كل شائنه ***** ورد كيد الحاسد مد بعده جزر ودمت للكويت اخا نسر به **** في عهد الصباح فخر غده فجر ختامها صلاتي لنائل كل مكرمه **** رسولنا الهادي اخلاقه الطهر وقد اجابه الشاعر الكبير سعود بن سعد الغريب العازمي بهذه الابيات الشعريه وهي باللغه العربيه الفصحى : هل اليراع على مصقوله السطر ***** وراح يمزج في ارجائها العبر فرح بما سمعت اذناي من سجع ***** شدى بهي فالح في اروع الصور يابن العتيبي اطال الله عمركم **** نجحت في نظم عقد زانه درر جزاكم الله خيرا كل ما افلت **** شمس الاصيل واشرق نوره البدر يابن الرجال التي نافت مراجلهم **** تحدثت فيهم البدوان والحضر اشكرك عدة النجوم في منازلها **** وعداد ما تنبت البطحاء من بذر نيابه عن ابا فهد اقدمها لكم **** وسامح بهذا واقبل العذر هذا قليل من كثير ويعلم الله انى تركت من القصائد الشى الكثير ولاحبيت اثقل عليكم بالقرايه والله لايهين كل شعراء القصايد اللى ذكرتها وقول ماعليكم زود وبيض الله وجيهكم انا تركت الكثير من القصائد ومن ضمنها قصائد ابناء العوازم ومدحهم للقبيله خصصت الكثير من القصائد لخوانا شعراء القبايل الاخرى واسف على القصور تحياتى لكم |
تقبل مروري ولك تحياتي
|
شكرااااااااااااااا لك ولاهنت
|
سالم فهد
لاهنت على جمع القصائد الرائعه والجميله ولا شك بأنه هناك القصائد الكثيره التي قيلة عن قبيلة العوازم وشكرا لك على جمع القصائد مرة اخري تحياتي لك |
اقتباس:
وهذه قصيدتين للشاعر الكبير صاحب الاخلاق العاليه سعيد ابو ديه القحطانى عيال عطااااااااااااا سلام ياهل المجد واهل المـروات قومٍ لهم عزوه ونخـوه وهيبـه اهل النقا واهل البقا والبطـولات واهل المواقف والجدود العريبـه اللي لهم في ذرة المجد صفحات تاريخهم مجد الفعـول النجيبـه عوازم عدو بـروس الطويـلات اهل الشيم واهل العهود القطيبـه واخص راعي الطايله والجمالات حلال عسرات الامـور الصعيبـه ابو بدر ذخر لنا فـي المهمـات رجم المراجل والكرم يعتلي بـه هداج تيما والمجانـي عريبـات ستر الدخيل وعز من يعتزي بـه كريم سبلا له مع الجـود مـدات بحرٍ صفق موجه وياكثر طيبـه امروض العسره زبون الصعيبات في ساعةٍ فيها المواقف عصيبـه اعسر لمور تسير عنده سهـالات بالعقل والحكمه ونفـسٍ لبيبـه فعله ينومس لابته كل الاوقـات والمجد شامخ والمراجـل تعيبـه والمدح في مثله بليـا مـراوات عز وشرف والعبد ربي حسيبـه من بعدها للخيل صوله وجولات واللي على بالي بياخـذ تصيبـه واللي يبا يخدش عفاف الشريفات خبل مايدري ان عاقبتها مصيبـه يذن صلاة الفجر ما فارق الشات عودٍ كبيـر فيـه شكـه وريبـه عساه في نارٍ تلضاء لمـا مـات والله يايزريبه ويقطـع نصيبـه في كل ليل يسهر الليـل مابـات عودٍ سفيه وخاب مـن يقتديبـه لعبو به الخفرات بيـن القنـوات ويقول انا عاشـق ودور حبيبـه عودٍ مجمع لـه بنـاتٍ وشـلات وفي كل يوم وهو يـدور ذهيبـه يايو بـدر والله لـولاك بالـذات لاحدهم بالطـوع ولا الغصيبـه اهل الردا واهل العلوم الرديـات شر البريـه كـل خبـثٍ يجيبـه وتكرم لحاكم يارجـال المـروات عـوازمٍ وافيـن فزعـه وهيبـه القصيده الثانيه سلام الله سلامٍ من شموخه يستحـق الـرد سلام الدين والسنه على المسلم وجـب رده سلامٍ خالطه ريح النفل معـا نسايـم نجـد من اديار السعود اخوان نوره ساعة الشـده على دار الصباح اخوان مريم شامخين المجد سلام المجد والتمجيد للـي شامـخٍ مجـده وسلام الله على قومٍ لهم بين القبايـل عـد صناديد الرجال الا السيـوف الفـذه الحـده هل الفزعه زحازيح الرجال معربيـن الجـد مقابيس الوغا ستر الدخيل اليا وصل حـده ونعـمٍ بالعـوازم والقبايـل كلهـا تشهـد لهم في صفحة التاريخ مجـد وافـيٍ عـده وسلام الله على اللي لا بدا اللازم يقوم وسد ابو بدرب العريب اللي لاقـام بـلازمٍ سـده كريم الجاه بحرٍ يصطفق بالجود جاد ومـد ليامنه صفق موجه تـرادف بالعطـا مـده مقام الطيب ماله في النشاما يشهد الله نـد ليا عدو الرجال اهل المواقـف ماحـدٍ قـده نعم نايف على اسمه نايفٍ شامخ وسيفٍ حد صديقٍ صادقٍ في فزعتـه للمبتلـي نجـده بلغ مجد المراجل والوفـا ولا لعرفـه حـد مثل صقرٍ ليا منه دوا ماخـاب مـن هـده وانا مالي بمدحه مصلحـه ولانـي بمنحـد وانا شاعر ولا مني بنيت البيـت مـا هـده لكن بيت القصيد اللي تعرض للعتب والنقـد اقولـه واذكـره وانسـاه واغنيـه وعـده وانا قلبي عن اللي ما يميز في المعاني صد كـذا ولا كـذا ولا كـذا والصـده الصـده تجاهلت الردى واهل الردا ولا بابيح السـد وهقواتـي بعيـده والنظـر بعيـد وامـده واذا وصل الكلام لحروة المعنى ووصل الجد فامان الله يادار الجفـا لـو طالـت المـده يابو بدر القصيد اللي كتبته ما يبي لـه رد مشاريـه ووداع ولانتظـر ياصاحبـي رده بيض الله وجهك يامعرب الجدين اقول ماعليك زود لك منى اطيب التحيه والاحترام |
ونعم بالعوازم اهل الصفات الكريمه
|
مشكورررررررررررررررر علي الموضوع
|
[sizeه="6"]مــــــــــــــــــــــــــــشكورين على القصاااااااااايد الطيبه والله[/size]:smile::smile::smile:
|
| الساعة الآن 06:44 AM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar