منتدى هوازن - موضوع تحفه لعرايس الكويت فديتهم وخصوصا عروسات مهر 4000 الف

الموضوع من صديقتي
واقصد بمهر 4000 وهو مهر قبيلة العوازم يعني ابوانا كانوا مهرهم 10000 الف الله يعينهم والحين بنات الجيب
العوازم خصوصا
والكويتيات عموما
4000 وفطسه الفطسه 500 دينار من اهل المعرس

المهم مهر صديقتي 8 مو 4
بس عرايس الاربعه يقيسون بمقياس اقل
اوكي

حبيت اشارككم.. بتقسيمة مهري..خصوصا اني عليميه..ماعرف شي بالهسوالف..عشت طول عمري بنوته.. وشغلي كله نااااعم.. بس الحين انا عروس ولازم اغير تماما بحياتي..

وودي تفيدوني..لانه انا استفدت من المنتدى حيل وصار عندي فكره شنو المفروض اشتري..ومن وين اشتري..بس اللي ماعرفه الحين.. الاسعار... مثل ماتعرفون لازم اقسم المهر لمبالغ معينه..من الحين عشان ما اضيع بعدين او اتوهق.. ويقصر علي شي...

يعني للتوضيح.. مهري ثمانية آلاف دينار كويتي (عسى الله يباركلي فيه ومايطير).. ومن المنتدى عرفت شنو لازم اشتري بالمهر كجهاز للعروس...وبعد من المنتدى عرفت اغلب الاماكن اللي لازم اروحلها وشنو يكون موجود فيها...
بس الشي الوحيد الناقص.. ابي احد يساعدني بتقدير المبالغ اللي احتاجها.. كشي تقديري لاني كلش ماعندي فكره..

مثلا الذهب جم المفروض ياخذ من هالثمانية الاف... وجم للمكياج والعطور... وما الى ذلك
انا بحط القوائم مالتي... وبجانب كل قائمه قوسين.. نحط فيهم السعر المتوقع..

اتمنى اللي عندها خبره ماتبخل علي.. وتصير بحسبة اختي الكبيره لانه ماعندي خوات كبار
واتمنى بعد ان موضوعي يساعد اللي قاعدين يجهزون.. لاني صج حطيته ابي مساعده بس بنفس الوقت حبيت هالقوائم تفيد البنات عشان جذي كنت تفصيليه زياده..

يالله.... بسم الله الرحمن الرحيم..

*مشتريات تخص الجسم* ( التكلفه ؟ )
-عطورات+البودي لوشن+البودره (من وجوه او المركز الفرنسي او البدور اوتاناغرا او دبنهامز)
-بخور+خلطات القرشي+دهن عود+حجر مسك( مجمع المباركيه بالديره )
-تشقير للوجه والجسم+شيره+ماكينة حلاقه (براون)+مقص للحواجب (يكون صغير جدا عادة)+ملقط
-شامبو +بلسم+صابون+كريم مرطب
-فازلين+زبدة كاكاو+اسكينول بالليمون
-سكراب وسنفره للجسم (احسن مكان ممكن الواحد ياخذ منه اغراض الحمام the **** shop رااااااااائع للعرايس)
-فرشاة ومعجون+مبيض اسنان+ديودرانت (مزيل للعرق)
-مجموعة الحمام (ارواب وفوط وليف )
-عدة بدي كير ومنيكير
-حمام زيت للشعر+بديل الزيت للشعر من بانتين
-قبعات بلاستيك للشعر
-دلاغات حراريه بلاستيك (عشان ندهن القدم ونلبسها)
-استشوار+لفافات للشعر
-فوط صحيه (private احسن نوع لانها قطنيه وماتسبب حساسيه) +اعواد تنظيف الاذن
-معطرات حمام+شموع معطره للحمام
-جهاز بخار (ساونا) للجسم
-قطن للوجه+مناديل معقمه للتنظيف
-غسول وجه..وعدة facial كامله.. يعني منظف وسكراب وماسكات وحمايه للشمس وكل شي
-كريمات للسيلوليت والتشققات وما الى ذلك
ماجربتهم بس مختارتهم بعناية حسب تجارب عضوات المنتدى
كريم لمنع ظهور الحبوب بعد الحف derma_T
كريم اخر لمنع ظهور الحبو والدمامل والمسامات بعد الحف (الكل ينصح فيه) fucidin H
كريم للمنطقه الحساسه الكل يستخدمه يبيض وينظف ويطهر betadine
كريم الجليسوليد الاحمر.. واللوشن ماله
في بعد اشكثر كريمات بس كتبت الاهم
-اغراض وحاجيات من الحواج (العطار)
ماي ورد واغراض اخرى

*حجوزات تخص الجسم* ( التكلفه؟ )
-تبييض اسنان (عيادة الميدان او الثريا او بيرفكت دنتل كير)
-اشتراك بنادي رياضي (للتخسيس)
-ليزر لازالة الشعر الزائد (طيبه كلينيك)
-اشتراك بصالون برنامج عروس ( مركز جاك ديسانج التجميلي)

*اشياء تخص ليلة العرس* (التكلفه؟ )
-بدلة العرس البيضا ومستلزماتها من اكسسوارات
-كعب (لان زوجي اطول رجل بالعالم )
-مكياج وتسريحه+كريم جسم
-المسكه
-الدي جي للزفه (دي جي الكادي اومركز ليلة مرح)
-المصوره(فينيس)

*اكسسوارات وكماليات شخصيه* (التكلفه؟ )
-مكياج باختلاف الماركات والالوان ( البدور و المركز الفرنسي..وعروس البحر بالفروانيه )
-اكسسوارت باختلافها (للجسم والشعر والملابس)
-جنط +ساعات+ابواك (مجمع مبارك الصيفي بالاس في تقليد ماركات + مجمع المناور والعربيد بلازا بالفراونيه فيهم محل اسمه ريماس في تقليد ماركات )
-صنادل+كعب+ جواتي رياضيه( الحوش بالسالميه فيه سوالف حلوه وغريبه )
-ملافع+عبي( محلات بدون اسم بالفراونيه\محلات المشعل في النمران سنتر في الفروانيه)
-عدسات للعيون+رموش تركيب
-لبس صلاه وسجاده (في انواع حلوه حق المعاريس)
-فراشي شعر+مشط+سبراي ومثبت للشعر
-مزيل صبغ للاظافر
-بخاخ مضاد للاستاتيه (عشان الكهربا اللي تخلي الملابس تلصق ويصير شكلها قبيح)
-سيور ستيان شفافه.. عشان الملابس المكشوفه ما تخرب من لون الستيانات الملونه
-الذهــــــــــــــــــــــــــــــب (مادري من وين اشتريه ابي شي ناعم وفخم بنفس الوقت)

*اكسسوارات وكماليات للمنزل* ( التكلفه؟ )
-مبخر+فحم
-اطقم مفارش وكفرات للسرير
-علب مجوهرات
-شموع معطره+ورد مجفف+معطرات للغرف
-مرشات للمفارش والاثاث
-معاليق للملابس+غطاء حافظ للبدلات الغاليه
-اوتي (مكوه) بخار للملابس (للسفر او للحالات المستعجله)
-جنط كبيره ..عشان تحطين فيها اغراضج وجهازج كله
حق هالاغراض السابقه كلها في محل يمدحونه حيل اسمه الاقتصاد المنزلي صاير بمجمع الاوقاف

*الملابس* (التكلفه؟)
-قمصان نوم بانواعها **سوق الفحيحيل-سوق مسروره اللي بالسرداب تحت\حولي-مجمع الايوب\حولي-مجمع السندس بالسرداب***
-ملابس داخليه للبيت وللطلعه **نفس العناوين السابقه**
-بجايم قطنيه بانواعها (شورتات وطويله) ** النقره تحت\ سوق المعلم بالسالميه وحولي\لاندمارك وسيتي سنتر***
-دلاغات+دسوس+طاقيات للملافع (القبعه او الاملط مثل مايسمونها)+ سكارفات حق الدلع
-دراريع فنتق (ماحب الدراريع الاعتياديه) ***دراريع بسيطه: الحمرا مول محل الاسعفه والعربيد بلازا فوق فيه تفصال دراريع\مجمع الاوقاف بالكويت**
والفخمه:سالي مودا (السالميه)\راويه الغانم (السالميه)\خياط عبدالغفور للسيدات بالصالحيه يم الجره\شانتون بمجمع الاوقاف\انسام الخلف قرطبه قطعه واحد شارع واحد منزل 16\ ام عبدالله الجوري عبدالله السالم قطعه 2 شارع معن بن زائد جاده 25 منزل 10
-جينزات وبديات
-بدلات طلعه ( من مختلف المجمعات اللي بالكويت ماتخفى عليكم)
-بدلة عرس (سهره) احتياط (النقره)

ياللـــــــــــــــــــــــــــــــــــه بنات حطيتلكم كل شي باختصار.. عاد العدد والشكل واللون لكل قطعه انتو تختارونه